Zbulohet data, ja kur do të mbahen zgjedhjet presidenciale në Malin e Zi

Zgjedhjet presidenciale në Malin e Zi pritet të mbahen më 19 mars të këtij viti.

Lajmi është konfirmuar nga kryetarja e Parlamentit, Danijela Gjuroviç e cila ka shpallur dhe datën për zgjedhjet presidenciale malazeze

“Kryetari i Kuvendit është i autorizuar dhe i obliguar që t’i shpallë zgjedhjet për president të Malit të Zi jo më vonë se 120 ditë para përfundimit të mandatit të presidentit të Malit të Zi”, tha Gjuroviç.

Kujtojmë se mandati aktual i presidenti, Milo Gjukanoviç nisi më 20 maj 2018 dhe zgjedhjet e fundit presidenciale në Malin e Zi u mbajtën më 15 prill 2018.